繼續為您推介我自己真實用家經驗，絕非廣告，真心大愛嘅母親節禮物點子，希望幫到仲未諗到送咩驚喜俾媽咪/太太嘅您喇！！
Day 3 - 自在型媽咪
Maison Margiela REPLICA - Lazy Sunday Morning Fragrance
嗅覺係人類記憶中其中一樣最強嘅感官。由細到大，我都對於氣味好執著。好多時候，都未見到個人，只要聞到陣味，就已經知道係邊個入緊嚟！
17歲買第一支送俾自己嘅香水。隨住自己唔同嘅人生階段，選擇嘅香氣亦有所改變。
我覺得聞住自己喜愛嘅氣味，作為一日嘅開始，係一種幸福。所以每日出門前，我必定噴香水。連懷孕期間，我都專登揾啲安全成份嘅花露水嚟噴。習慣咗喇嘛，唔香唔自在... 😁
有小朋友之後，香水嘅喜好變得乾淨。太刺鼻嘅，❌ 太濃烈嘅，❌ 太多化學嘢嘅，❌ 全部拜拜！！
BB爽身粉啊，偏甜嘅焦糖味啊，甚至啱啱曬過嘅床單味，都係我而家嘅最愛！！
Replica 呢支就係最俾到我「乾淨感」嘅香水喇。個名叫得 Lazy Sunday Morning，真係一噴就有周日懶洋洋，自然日光曬入屋，喺啱啱新換嘅床單上賴床嘅舒服。😌
點解推介呢份禮物？
大家近排留喺屋企嘅時間多咗，少咗要打扮嘅理由。甚至 work from home 期間，連睡衣都懶得換。俾媽媽一個小開心，噴噴自己鍾意嘅味道，refresh 一下！頭油味冇晒，霉濕味走晒！氹下自己，又氹下家人。
希望您生命中最重要嘅女人會鍾意喇！！
（香港 Sephora Hong Kong 有售）
#nonaffiliated #mothersday #giftideas
#replicafragrance #sephorahk #replica
Search